முதல் வருடம்!!!!  

பதித்தவர் : எழில்பாரதி in


இன்று தனது முதல் பிறந்தநாளை கொண்டாடுகிறது என் வலைப்பூ கண்ணாடிமழை




இவ்வேளையில் என் குறைகளையும் நிறைகளையும் எடுத்துரைத்து என் பயணத்திற்கும் துணையாய் இருந்த அனைத்து நண்பர்களுக்கும் என் நன்றிகளை தெரிவித்துக் கொள்கிறேன்!!!!!

பிறந்தநாள் வாழ்த்துகள்!!!!!  

பதித்தவர் : எழில்பாரதி



இன்று எங்கள் வீட்டு செல்லக் குட்டி அகிலன் தனது நான்காவது பிறந்தநாளை கொண்டாடுகிறார்!!!!








“இனிய பிறந்தநாள் வாழ்த்துகள் அகி குட்டி”



இவர் யார்ன்னு உங்களுக்கு அறிமுகம் தேவையில்லை



சார்தான் எனக்கு குவா குவா வாத்து பாட்டுக் கத்துக்கொடுத்தவர்!!!!!


நட்புத் தடங்கள்  

பதித்தவர் : எழில்பாரதி in

வருடக்கணக்காய்
பேசிய பேச்சுகளை
எல்லாம்
கூடவே
அழைத்து வருகிறது
என்றேனும் வரும்
ஒற்றை
குறுந்தகவல்

பல
இதயங்களின்
கவிதைகளை
சுமந்திருக்கும்
கவிதைப் புத்தகம்
வகுப்பறை மேசை

வேவ்வேறு திசைகளில்
இதழ்களாய்
விரிந்தாலும்
இணைந்தே இருக்கின்றோம்
நட்பு என்னும்
ஒற்றைக் காம்பில்

இன்னும்
உலராமலேயே
இருக்கிறது
கடைசியாய்
நீ
உயிர்தொட்டு எழுதிய
நினைவேடு

கல்லூரி
கடைசி நாள்
பறவைகளின் கூட்டில்
சலசலப்பு


இப்பொழுதும்
கல்லூரிப்
பேருந்தைப்
பார்க்கும் போதெல்லாம்
தேடத் தொடங்கிவிடுகின்றன
தோள்கள்
தலை சாய்த்து
உறங்கிய
தோழியை

பெற்றோர்
இட்ட பெயரும்
அந்நியமாய்த்
தெரிகிறது
தோழிகள்
சூட்டிய
செல்லப் பெயரில்